Өшпес ерлікке мәңгі тағзым

Өшпес ерлікке мәңгі тағзым

15 ақпан Кеңес әскерінің Ауған жерінен шығарылғанына 28 жыл толуына орай №7 мектеп-лицейінде 8 «Ә», «Б» сынып оқушылары мен Ауған соғысының ардагері – Түймақов Кенжетай Ғалыжанұлымен «Өшпес ерлікке мәңгі тағзым» атты кездесу өтті. Кездесудің мақсаты Ауған оқиғасының тарихи мағынасын ашып, оқушылардың жүрегіне елжандылық, Отанға деген сүйіспеншілік сезімін ұялату болды. Кездесу Ауған соғысына қатысқан жауынгерлерді бір минуттық еске алу үнсіздігімен басталды. Келесі кезекте Ауған соғысы туралы бейнебаян көрсетіліп, тарихи мағлұматтар айтылды. Кенжетай Ғалымжанұлы оқушыларға көзбен көрген оқиғаларын айта отырып, оқушыларға бейбіт өмірдің мән-мағынасын түсіндірді. Аса қызығушылықпен тыңдаған оқушылар өздерінің сұрақтарын қоя отырып, мағлұматтар алды. Ауған соғысының жауынгерлеріне арналған Райымбек, Гүлжан және Ұлпанның мәнерлеп оқуымен арнаулар оқылды. Ұлболсын мен Алсудың орындауында ән айтылды.  Кездесу соңында ардагермен естелікке суретке түсті. Тағлымды тәрбиеге толы болған сынып сағатынан оқушылар жақсы әсер алып, көтеріңкі көңіл-күйде тарқасты.

Орындаған: Бәдел Марта

Калиякбарова Ақжүніс Манарбековна