Құттықтау

Құттықтау

Қазан айында «Мемлекеттік тілді, ұлттық дәстүрлерді, мәдениет пен тарихты насихаттауға арналған іс – шараларды ұйымдастыру және өткізу» атты әлеуметтік маңызы бар жоба аясында «Алаштың арыс азаматы» атты ұлт жанашыры, Әлихан Бөкейхановтың туғанына 150 жыл толуына арналған  облыстық эссе байқауы өтті. Байқауға облысымыздың мектептері белсене қатысып, жалпы 33 оқушының жұмысы сарапқа салынды. Барлық оқушылар астарлы ойларымен, орамды сөздерімен, тарихи сауаттылықтарымен өздерін жан – жақты көрсете білді. Біздің мектебіміз де осындай айтулы іс – шарадан шет қалмады. Мектебіміздің 11 – сынып оқушысы, Жамбылова Гүлназ аталмыш сайысқа қатысып, І – орынға  ие болды. Өзінің ұлтжандылық, патриоттық сезімін, тарихқа деген, дара тұлға, Әлихан ағаға деген құрметін, ол кісінің салған өшпес ізін, орасан зор еңбегін өзі жазған эссеге моншақтай етіп тізіп, әсерлі сөздерімен тамаша жеткізе білді. Жамбылова Гүлназды осы жеңісімен мектеп ұжымы атынан, барлық оқушылардың атынан шын жүректен құттықтаймыз! Мерейің үстем болып, әрқашан тек биік шыңнан көрінуіңе тілектеспіз!

Сұрағанаов Д.Ш қазақ тілі мен әдеиет мұғалімі