Жас батыр-2017

Жас батыр- 2017

      Қазанның  18 жұлдызында  аудандық мәдениет үйінде  «Рухани жаңғыру» бағдарламасы аясында өткізілген «Жас батыр - 2017»  байқауы өтті. Байқаудың басты мақсаты: оқушылардың бойында ата салтын ардақтайтын, өз елін сүйер нағыз қазақ жігітінің қасиеттерін бойына сіңіре білер ұрпақ тәрбиелеп,білімділік,мәдениеттілік, батылдылықты  қалыптастыру.

Байқауға қала және ауыл мектептерінен 10 үміткер қатысып, бақтарын сынады.
Байқаудың 4 кезеңнен  болды:

1) Таныстыру

2) Өз өнерлерін көрсету (өлең немесе қара сөз,күй тарту)

3) Викториналық сұрақтар

4) Спорттық сайыс

Байқау барысында оқушылар  жеңіске жету үшін бар өнерлерін салып, аянбай тер төкті. Байқау барынша тартымды да, тартысты өтті. Өз өнерін ортаға салған мектебіміздің 7 «А» сынып оқушысы Еркін Ақеділ көрермендердің көңілінен шықты.Қорытынды кезеңде әділқазылар алқасы дара шыққан оқушыларды әртүрлі номинациялар бойынша және жүлделі орынға ие болғандарды марапаттап, сыйлықтар тапсырды.

Байқау нәтижесі бойынша  мектебіміздің 7 «А» сынып оқушысы  І дәрежелі дипломмен марапатталып, «Жас батыр-2017» атағын жеңіп алды.

№7 мектеп-лицейінің тәлімгері Жамиля Тайтлеуова