Қазақтың келіндері-ай!

Қазақтың келіндері-ай!

№7 мектеп – лицейінде наурыз айының алтыншы жұлдызында 8 наурыз мерекесіне орай 6-7 сыныптарының аналары арасында «Қазақтың келіндері – ай!» атты сайыс өтті. Сайысқа барлығы алты келін: Сердалина Айнұр, Тауекелова Роза, Балтышева Жұлдызай, Нурмагамбетова Жанаргүл, Қасымова Жанар, Рахимжанова Сания қатысты. Өткізілген шараның мақсаты аналарды келе жатқан мерекесімен құттықтап, мектеп өміріне араластыру болды. Келіндерге әділ бағаларын беруге  директордың оқу ісі жөніндегі орынбасары Сураганов Дамир Шоқанұлы, әжелер арасынан Усербаева Сұлушаш Тулебаевна және бастауыш пәнінің мұғалімі Жетпісбаева Бақытжан Қаратаевна төрелік етті. Сайыс бес кезеңнен құралды. Алғашқы «Сәлем - сөздің атасы»атты кезеңінде қатысушылар өзін-өзі таныстырды. Таныстыру кезінде бірі отбасымен шықса, екіншісі қарияларды әкеліп батасын алды. Екінші кезеңде қатысушы келіндердің салт – дәстүрге байланысты қойылған сұрақтарға тапқырлықпен жауап беруі сыналды. Келесі кезекте аса шеберлікпен аз уақыт ішінде қағаздан ою ойып, оның қолданылуын, мағынасын түсіндіріп берді. Төртінші кезеңде қыз балалардың шашын өріп, жылдамдықтарын көрсетсе, соңғы кезеңде қазақ келіндерінің киім кию үлгісін көрсетті. Байқау соңында қатысушыларға құттықтау сөзі айтылып, алғыс білдірілді, түрлі номинациялар бойынша марапатталып, Сердалина Айнұр жеңімпаз атанды.

«Лицей» медиа орталығының жетекшісі Г.Б.Джакупова